Interessant omgang etter ein pressekonferanse der Farke seier at vi stort sett har hatt marginane mot oss heile sesongen. No er det ikkje direkte ufortent at vi leiar, men vi må vel vere så pass ærlege å innrømme at det har vore ein relativt jamspelt kamp og at 3-0 er i overkant heldig.
Eg er imponert av presspelet til Ipswich, og dei er vel første laget som etterkvart tvinga oss til å slå langt, og det er ikkje Meslier sin feil som enkelte her prøver å påstå (sjøl om det er riktig at langpasningane hans har vore under pari). Vi var på utrygg is eit par gonger og mista ballen i farleg posisjon før Meslier valte å starte å spele ut langt.
Straffen var av det soleklare slaget, og uforståeleg at Leif bruker så pass energi på å protestere. Han er heldig som ikkje fekk gult. Eg syns James har vore under pari, og kan godt byttast ut, spesielt etter eit gult kort, som han gjorde rett i å pådra seg.
Sent from my SM-S906U using Tapatalk
